Gürcüstanda bıçaqlama hadisəsi ilə bağlı Ermənistan vətəndaşı saxlanılıb

Gürcüstan Daxili İşlər Nazirliyinin Sameqrelo-Zemo Svaneti polis departamentinə bağlı Poti şəhər polis bölməsi 1989-cu il təvəllüdlü Ermənistan vətəndaşı S.Ş.-ni qəsdən ağır bədən xəsarəti yetirməkdə şübhəli bilərək saxlayıb.

"PostMedia" bu barədə "Georgia Online"a istinadən xəbər verir.

İlkin araşdırmalar göstərib ki, Poti şəhərində baş verən mübahisədən sonra S.Ş. 1976-cı il təvəllüdlü X.A.-ya kəskin alətlə xəsarət yetirib və hadisə yerindən qaçıb.

Xəsarət almış şəxs tibbi müəssisəyə aparılıb və ona lazımi yardım göstərilir.

İstintaq tədbirlərindən sonra hüquq-mühafizə orqanları S.Ş.-ni hadisədən qısa müddət sonra şübhəli şəxs kimi saxlayıblar.

Hadisə ilə bağlı istintaq Gürcüstan Cinayət Məcəlləsinin 117-ci maddəsi əsasında aparılır ki, bu da 7 ilədək həbs cəzasını nəzərdə tutur.