Pezeşkian Putinə zəng edib

Rusiya Prezidenti Vladimir Putin ilə İran Prezidenti Məsud Pezeşkian arasında telefon danışığı baş tutub.

"PostMedia" xəbər verir ki, bu barədə Kremlinin mətbuat xidməti məlumat yayıb.

Telefon danışığı zamanı Putin hərbi əməliyyatların dərhal dayandırılması, İran ətrafında və bütövlükdə Yaxın Şərq regionunda problemlərin güc yolu ilə həllindən imtina edilməsi və mümkün qədər tez siyasi-diplomatik tənzimləmə yoluna qayıdılması zəruri olduğunu qeyd edib.

Bu kontekstdə Putin bildirib ki, o, Körfəz Əməkdaşlıq Şurasına daxil olan Fars körfəzi ərəb ölkələrinin liderləri ilə daim əlaqə saxlayır.

Tərəflər İran tərəfi ilə müxtəlif kanallar vasitəsilə əlaqələrin davam etdirilməsi barədə razılığa gəliblər.