Hakan Fidan iranlı həmkarı ilə telefon danışığı aparıb

Türkiyə ərazisində zərərsizləşdirilən ballistik raketlə bağlı Türkiyənin xarici işlər naziri Hakan Fidan iranlı həmkarı Abbas Araqçı ilə telefon danışığı aparıb.

"PostMedia" xəbər verir ki, Fidan İranı münaqişəni genişləndirə biləcək addımlardan çəkinməyə çağırıb.

Xatırladaq ki, daha əvvəl Türkiyənin Müdafiə Nazirliyi Aralıq dənizində yerləşən NATO-nun hava hücumundan müdafiə vasitələri ilə İrandan Türkiyə istiqamətində buraxılmış ballistik raketin zərərsizləşdirildiyini açıqlamışdı.

Bildirilib ki, raketin qalıqları Türkiyənin cənubundakı Hatay vilayəti ərazisinə düşüb.