“ABŞ bazaları İran əleyhinə istifadə olunmasa belə, onlar bizim üçün yenə də qanuni hədəfdir” – Araqçi

Tehran regional ölkələrlə müharibə vəziyyətində deyil əksinə, ABŞ ilə müharibə aparır.

“PostMedia” xəbər verir ki, bunu İranın xarici işlər naziri Abbas Araqçi dövlət televiziyasında bəyan edib.

“Biz bu ölkələrdə yerləşdirilmiş amerikalı hərbçilərlə üz-üzəyik. Hətta ABŞ bazaları bizə qarşı istifadə olunmasa belə, onlar bizim üçün yenə də qanuni hədəf sayılır. Amerikalı hərbçilərin hotellərə sığınması onları zərbələrdən xilas etməyəcək”, – deyə o bildirib.

Nazir İranın mərhum ali rəhbəri ayətullah Əli Xameneinin qətlə yetirilməsi ilə bağlı qeyd edib ki, bu, “dini cinayət” idi və bunun nəticələri olacaq.

“Mənim fikrimcə, onlar nə etdiklərini və bunun hansı etirazlara və nəticələrə səbəb olacağını dərk etmirdilər”, – deyə Araqçi vurğulayıb.