Donald Tramp öz müraciətində “erməni soyqırımı” ifadəsini işlətməyib

Bu gün biz Böyük Fəlakət zamanı deportasiya edilən və qəddarcasına öldürülən saysız-hesabsız ermənilərin xatirəsini yad edirik.

”PostMedia” xəbər verir ki, bu barədə ABŞ prezidenti Donald Trampın bəyanatında deyilir.

ABŞ Prezidenti çıxışı zamanı “erməni soyqırımı” ifadəsini işlətməyib.

Bu isə erməniləri yenidən məyus edib.

“ABŞ və Ermənistan birlikdə daha təhlükəsiz və firavan dünya qurmaq üçün işlərini davam etdirəcəklər. Mənim administrasiyam strateji tərəfdaşlığımızı gücləndirir, erməni xalqı üçün mühüm imkanlar yaradır və Cənubi Qafqaz regionunda davamlı sülhün bərqərar olunmasına töhfə verir. Amerikalılar və ermənilər tarixi Sülh Şurasında yanaşı dayanaraq ortaq məqsəd ətrafında birləşiblər — sülhün yeni dövrünü başlatmaq”.