Pakistan Hörmüz boğazından yan keçərək İran yüklərinin tranziti üçün quru dəhlizləri açıb

Pakistan İrana Hörmüz boğazını yan keçməklə yük tranzitini həyata keçirməyə imkan verəcək altı quru dəhlizi təqdim edib.

"PostMedia" xəbər verir ki, bu barədə Pakistanın Ticarət Nazirliyi məlumat yayıb.

"Dawn" qəzetinin məlumatına görə, hazırda "Karachi Port" limanında İrana göndərilməsi nəzərdə tutulan 3 mindən çox konteyner toplanıb. Həmin yüklərin ixracına artıq başlanılıb.

Bununla yanaşı, Pakistan hakimiyyəti Ərəb dənizi sahilində, İran sərhədindən təxminən 70 kilometr məsafədə yerləşən "Gwadar Port" limanını gələcəkdə İran yüklərinin aşırılması üçün əsas tranzit və logistika mərkəzi kimi müəyyən edib.