Blokada başlayandan ABŞ qüvvələri 38 İran gəmisinin istiqamətini dəyişib - CENTCOM

İranın dəniz blokadası başlayandan bəri ABŞ silahlı qüvvələri tərəfindən istiqaməti dəyişdirilən gəmilərin sayı 38-ə çatıb.

"PostMedia" xəbər verir ki, bu barədə ABŞ Mərkəzi Komandanlığı (CENTCOM) bildirib.

Məlumata görə, ABŞ qüvvələri İran limanlarının blokadasını davam etdirir və gəmilərin giriş-çıxışına imkan vermir. “ABŞ qüvvələri 38 gəmiyə geri dönmək və ya limana qayıtmaq əmri verib”, – deyə məlumatda qeyd olunub.

Bildirilib ki, bundan bir gün əvvəl bu rəqəm 37 idi. Son hadisələrdən biri kimi ABŞ Hərbi Dəniz Qüvvələrinin “Sevan” adlı gəmini marşrutdan yayındırdığı vurğulanıb.

Qeyd edilir ki, “Sevan” gəmisi ABŞ Maliyyə Nazirliyi tərəfindən sanksiya tətbiq olunan 19 gəmidən ibarət “kölgə donanması”na daxil idi. Bu donanma İranın enerji, neft və qaz məhsullarının xarici bazarlara daşınması ilə əlaqələndirilir.