Lamin Yamal ayın ən yaxşı oyunçusu seçildi - "La Liqa"

İspaniyanın çempionu "Barselona" klubunun və Avropa çempionu İspaniya milli futbol komandasının 18 yaşlı hücumçusu Lamin Yamal "La Liqa"da aprel ayının ən yaxşı futbolçusu seçilib. Bu barədə çempionatın rəsmi saytı məlumat yayıb.

"PostMedia" xəbər verir ki, ötən ay Yamal La Liqada 3 oyunda iştirak edib, 2 qol vurub və 2 məhsuldar ötürmə edib. Bu qarşılaşmalarda alman mütəxəssis Hans-Dieter Flickin rəhbərlik etdiyi komanda "Atletiko Madrid" (2:1), "Espanyol" (4:1) və "Selta Viqo" (1:0) üzərində qələbə qazanıb.

Cari mövsümdə Yamal "Barselona" ilə bütün turnirlərdə 45 oyuna çıxıb, 24 qol vurub və 18 məhsuldar ötürmə edib. Zədə səbəbindən o, mövsümün son hissəsini buraxacaq.